هۆندا و سۆنی بەیەکەوە کار دەکەن، لەوانەیە پلەیستێشن لە ناو ئۆتۆمبێلەکانی داهاتوو ببینین

سەرۆکی کۆمپانیای سۆنی هۆندا، ئیزومی کاوانیشی، لە لێدوانێکدا وتی دوو کۆمپانیاکە بەیەکەوە کاردەکەن بۆ باشترکردن و سوودوەرگرتن لە گۆڕانی ئارەزووەکانی کڕیاران و تەکنەلۆژیا پێشکەوتووەکان لە پیشەسازی ئۆتۆمبێلدا. ئێمە ئەم گۆڕانکارییانە لە ناو ئۆتۆمبێل بەرجەستە دەکەین و ئەمەش هێزی ئێمەیە لە بەرامبەر ڕکابەرەکانمان.

یاسوهید میزونۆ، سەرۆکی پڕۆژەی هاوبەشی کۆمپانیای سۆنی هۆندا وتی کۆمپانیا نوێیەکە پرۆسەی بەرهەمهێنانی ئۆتۆمبێل دەگۆڕێت بۆ ئەوەی بایەخی زیاتردەدات بە "ناوەڕۆکی بابەت" نەک هەر تەنها کاڵا و کەلوپەل بخاتە ناو ئۆتۆمبێلێ.

کۆمپانیاکە بەنیازە گرنگی زیاتربە تایبەتمەندی لێخوڕین خودکار بدات بۆ ئەوەی سەلامەتتربێت و بەکارهێنانی ئاسانتر بێت.